Vətəndaşları və bəşəriyyəti öz çirkin niyyətlərinin qurbanı etmiş falçının arxasında kimlər dayanır?
Fala baxdırmağın günah olduğunu çoxumuz bilmirik. Ona görə də çoxları başına bir iş gələn kimi öz dərdlərinə falçıların əli ilə əncam tapmaq istəyir. Bu bir acı həqiqətdir ki, falçıya getmək artıq bəziləri üçün vərdiş, xəstəlik halını alıb. Bəli, fala inanmaq da, fala baxdırmaq da, fala baxmaq da günahdır.
Əgər diqqət yetirmisinizsə, bəzi falçılar yüksək rütbəli məmurlarla "işlədiklərini", yəni onların işini "düzəltdiklərini" iddia edirlər. Reklamdır da, hansı məmurun hansı falçı ilə hansı işi həll etdiyini bilməsək də bircə onu bilirik ki, getdikcə artan bu fırıldaqçılara "gözün üstə qaşın var" deyən yoxdur.
Hər falçının da öz üslubu, öz tərzi var. Kimi kartla fala baxır, kimi kompyuterlə, kimi kitab açır, kimi şəkər tozu ilə, kimi su ilə, kimi qəhvə ilə, kimi də əlin içindəki naxışlara baxaraq... Kim bilir, hələ bu çeşidlərə daha neçəsi əlavə ediləcək. Hamısı da fırıldaq, boş və mənasız.
İradəsi və imanı zəif adamlar fala inanar və bu yolda çarə axtararlar.
Bu cür fırıldaqçı falçılardan biri də Gəncə şəhərində fəaliyyət göstərir.
Falçı bəyimiz heç vaxt ondan imdad gözləyən cahilə acı proqnoz söyləməz, çünki qapısına gəlmiş müştərini itirməkdən qorxar. Olmayan iş üçün gəlsələr belə, yenə bir ümid qapısı uydurur, təsəlli verməyə, onları özünə bağlamağa çalışır. Dərdli adam, əlbəttə, bu cür münasibətdən xoşhal olar, bəlkə də, falçının söylədiyinin yalan olduğunu bilə-bilə o yalana inanmaq, aldanmaq, ovunmaq istər. Yanına gələn insanlar bir ümidini itirməmək üçün 15-20 manatı gözüyumulu verir. Amma indi falçı bəyimiz heç 15-20 manatın üzünə belə baxmır. Gözü yüksəklərdə 100-200 manatdadır. Qiymətləri çox-çox yüksəklərdə oynayır.
Falçı bəyimiz millətin dərdli yerindən yapışıb insanlara yalançı ümidlərlə, vədlərlə təsəlli verir və bunun müqabilində də yaxşıca pul qoparır.
Falçı bəyin xalası qızı sən demə əvvəllər media işçisi olmuşdur. Yəni həmin bu qadın falçının xalası oğlu olduğunu bildirir. Xanımın verdiyi məlumata görə bu falçı bəy təxmini 1 həftə öncə Gəncə Şəhər Baş Polis idarəsindən çıxarılıb. Maraqlıdır görəsən Gəncə Şəhər Baş Polis idarəsi bu məşhur fırıldaqçı falçı barəsində hansı tədbirləri gördü ki, sonda azad da etdilər. Yaxşı bəs ora salınmışdısa niyə bu gündə falçı öz çirkin əməllərindən geri qalmır, əl çəkmir.
Bizim aidiyyatı qurumlar ümumiyyətlə məsuliyyətsiz işləyirlər. Öz üzərinə düşən öhdəlikləri layiqincə icra edə bilmirlər.
Media baxımından aydın məsələdir ki, bu məşhur falçının arxasında kim və kimlərin dayandığı hamımıza məlumdur. Çünki bu falçı güvəndiyi dağlar olmasa fırıldaqçılığla məşğul olub, insanların pullarını əlindən ala bilməz.
Məsələ ilə bağlı üzümüzü yenidən tuturuq aidiyyatı qurumlara. Bu cür fırıldaqçı insanlar vətəndaşları və bəşəriyyəti öz çirkin niyyətlərinin qurbanı edir. Bunlar barəsində çox ciddi tədbirlər görülməlidir.
Məsələ ilə bağlı araşdırmamız davam edir, qarşı tərəfin mövqeyini dinləməyə hazırıq.
Son xəbərlər
Ən çox oxunanlar
- Bu gün
- Bu həftə
- Bu ay