Maqro Qrup inşaat və inkişaf, otel və yaşayış, mebel istehsalı, pərakəndə satış və qida sektorlarında fəaliyyət göstərən beş ən böyük xarici investorlardan biridir. Maqro Qrup bütün fəaliyyətlərində ən yüksək keyfiyyəti təmin edə bilən, motivasiya dolu, güclü və məqsədyönlü bir idarəetmə qrupu tərəfindən idarə olunur. Təxminən 750 işçidən ibarət komandası ilə şirkət öz müştərilərinə yüksək keyfiyyətli həyat səviyyəsini təmin etmək kimi bir missiyaya sadiqdir. Şirkət bu qədər prestijli və əhəmiyyət kəsb etməsinə baxmayaraq, bu günlərdə bir şikayət ilə qarşı-qarşıya qaldıq.

 

Daha aydın desək, redaksiyamıza daxil olan şikayətdə bildirilir ki, Maqro şirkətində bəzi özbaşınalıqlar baş alıb gedir. Şirkətin baş məsləhətçisi Ramin Əhmədovdur. Ramin bəy Ağstafa rayon Köçəsgər kənd sakini Samir Əliyevi heç bir nöqsanı olmadan işdən azad etmişdir. Yalan vədlər verərək heç işçinin 2 aylıq əmək haqqını belə ödəməyiblər.

 

Bizə maraqlı olan odur ki, Maqro haqqında yazılan bu təriflərin demək olar ki, hamısı boşunadır. Çünki bir şirkət ki, işçini heç bir nöqsan olmadan işdən azad edirsə, min cür yalan vədlər verərək 2 aylıq maaşına əl qoyurlarsa, demək elə o şirkətdəki hər kəs bir birinin tayıdır. Heçmi soruşan yoxdur ki, bu Samirin səhvi nədir ki, onu işdən azad edirik. Axı kiminsə çörəyi ilə oynamaq günahdır.

 

Onuda qeyd edək ki, sözügedən Makro şirkətinin kralı Ramin Əhmədovla kanal1 Baş redaktoru Arzu Orucovun aralarında olan səsyazıları tezliklə ictimaiyyətə çatdırılacaq.

 

Qısacası deyək ki, Naxçıvanın xanı Vasif Talıbov və Makro şirkətinin kralı Ramin Əhmədov öz çıxarları uğruna hərəkət edirlər.

 

Məsələ ilə bağlı üzümüzü tuturuq aidiyyatı qurumlara. Xahiş edirik ki, tezliklə Ramin Əhmədov barəsində və etdiyi bu özbaşınalıq haqqında ciddi tədbir görülsün. Heç bir nöqsanı olmadan heç kəs işindən azad olunmasın. Heç kəsin çörək pulu ilə oynanılmasın.

 

Araşdırmamız davam edir, qarşı tərəfin mövqeyini dinləməyə hazırıq.