Əxlaqsızlığın birinci növbəli növü insan alveridir. Dünyanın bir çox ölkələrində insan alveri ilə bağlı problemlər var. Burada əsas rol oynayan hissə isə qadın alveridir. Belə ki, işbazlar qadınlar üzərindən milyonlarla pul qazanırlar.

 

Qadın alveri dünya ilə yanaşı Azərbaycanda da aktual problemlərdən biridir. Təəssüflər olsun ki, buna qarşı nə qədər maarifləndirici və inzibati tədbirlər görülsə də ardı-arası kəsilmir.

 

Qadın alverinin sayı günü-gündən artmaqda davam edir. Məmurların qoruduğu sauna, kafe, masaj salonları, otel və istirahət mərkəzləri adı altında fəaliyyət göstərən yerlərin sayı bu gün də kifayət qədərdir. Onlar bu işi çox peşəkarlıqla edirlər. Bu obyektlərin mövcudluğu təhlükə mənbəyidir. Bu yerlər gələcək üçün əmanət edilən milli-mənəvi dəyərlərimizi uçuruma aparır.

 

Bu gün məhz bu mövzuya toxunacağıq. Xətai rayon, Fəhlə prospekti adlanan ərazidə cibində jurnalist vəsiqəsi daşıyan Ələsgər adlı şəxs özünü jurnalist kimi qələmə verir, amma özü əxlaqsızlıq yuvası işlədir və artıq bunu özünə biznes seçib. 

 

Məsələ ilə bağlı üzümüzü tuturuq aidiyyatı qurumlara. Hara baxır görəsən İnsan Alverinə qarşı Mübarizə idarəsinin rəisi Samir müəllim? Və yaxud niyə belə şeyləri görməzdən gəlir. Və yaxud Mətbuat Şurasının sədri Rəşad Məcid niyə belə bir şərait yaradır ki, Ələsgər kimi şəxslər cibində jurnalist vəsiqəsi ola ola bu cür işlərlə məşğul olurlar. 

 

Onu da qeyd etmək istəyirik ki, əlimizdə real çəkilişlər var, növbəti yazılarımızda çəkilişlər də yayıma veriləcək.

 

Məsələ ilə bağlı araşdırmamız davam edir, qarşı tərəfin mövqeyini dinləməyə hazırıq.

 

 

Arzu Orucov