Gəlir və ya digər fayda əldə etmək məqsədi ilə fahişəliyə cəlb etmə—iki min beş yüz manatdan üç min beş yüz manatadək miqdarda cərimə və ya üç yüz iyirmi saatdan dörd yüz səksən saatadək ictimai işlər və ya bir ildən üç ilədək müddətə azadlıqdan məhrum etmə ilə cəzalandırılır.
 

Ölkəmizdə 2000-ci ilin dekabrın 12-də imzalanmış və 2003-cü il mayın 13-də Azərbaycan Respublikasının qanunu ilə təsdiq edilmiş BMT-nin "Transmilli mütəşəkkil cinayətkarlığa qarşı” Konvensiyasının və onu tamamlayan "İnsan alverinin, xüsusən qadın və uşaq alverinin qarşısının alınması, aradan qaldırılması və cəzalandırılması” haqqında protokolun, habelə 20 sentyabr 2002-ci ildə qəbul edilən "İnsan alverinin qarşısının alınması və ona qarşı mübarizə haqqında” Brüssel Bəyannaməsinin müddəaları nəzərə alınaraq "Azərbaycan Respublikasında İnsan Alverinə Qarşı Mübarizə üzrə Milli Fəaliyyət Planı” təsdiq edilib.

 Onu da bildirək ki, 22 iyul 2020-ci il tarixdə "Azərbaycan Respublikasında insan alverinə qarşı mübarizəyə dair 2020─2024-cü illəri əhatə edən Milli Fəaliyyət Planı”nın təsdiq edilməsi haqqında Prezident İlham Əliyev, Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq Sərəncam imzalayıb. İmzalanmış Sərəncamda insan alverinə qarşı mübarizə sahəsində həyata keçirilən tədbirlərin davamlılığının təmin edilməsi, normativ hüquqi bazanın və institusional mexanizmlərin təkmilləşdirilməsi, dövlət qurumlarının qarşılıqlı fəaliyyətində səmərəliliyin artırılması, Azərbaycan Respublikasının bu sahədə beynəlxalq öhdəliklərinin icrasının təmin edilməsi, Daxili İşlər Nazirliyinin həmin Milli Fəaliyyət Planında nəzərdə tutulan tədbirləri aidiyyəti dövlət qurumları ilə birlikdə həyata keçirməsi, ələlxüsus nəzərdə tutulan tədbirlərin icrasının gedişi barədə ildə bir dəfə Azərbaycan Respublikasının Prezidentinə məlumat verilməsi xüsusi qeyd olunub. Qarşıya belə bir ciddi tələblər qoyulsa da, baş verənləri təhlil edib o qənaətə gəlmək olar ki, bu gün Füzuli RPŞ-nin əməkdaşları Aliyə adlı qadına məxsus evdə yaşananlarla bağlı ölkə rəhbərinin imzaladığı "Milli Fəaliyyət Planı”ndan irəli gələn tələblərə məhəl qoymurlar. Belə bir halın varlığı, məhz ortaya çoxsaylı sualların çıxmasına da səbəb olmaqdadır. Çünki, yaş həddindən asılı olmayaraq qadınların cinsi istismara məruz qalmalarına şəraitin yaradılması, məhz məsuliyyət yaradan haldır. O halda sual oluna bilər ki, nədən Aliyə bu yöndə məsuliyyətini hiss etmir, yaxud da hiss etmək istəmir? Ümid ediri ki təqdim etdiyimiz bu faktlardan dərhal sonra hüquq-mühafizə orqanları Aliyəni bu cinayət əməlinə görə AR,CM-nin 244 cü maddəsinə əsasən cəzalandıracaqlar.

Mövzunu diqqətdə saxlayacayıq
Qarşı tərəfin də mövqeyini işıqlandırmağa hazırıq.