07:40 / 18-05-2022
Bakıda qadın intihar etdi
07:32 / 18-05-2022
Kobra stəkandan su içir
14:07 / 17-05-2022
Mirzoyan Brüsselə gedir
Ölkədə təhlükəli İNTİHAR TENDENSİYASI - Media nə qədər günahkardır?

 

 

İntihar halları dünya üzrə hər keçən gün artmaqdadır. Bunun səbəbi kimi adətən həyat tərzi, stress və depresiya kimi amillər əsas gətirilir. Ancaq intiharların artmasına başqa bir səbəb kimi bu halların sosial şəbəkələrdə, mediada tez-tez işıqlandırılıb, yayılmasını göstərənlər də var. 

 

Bəs, doğrudanmı, intihar xəbərlərinin mütamadi yayılıb işıqlandırılması onun artmasına gətirib çıxarır?

 

Bu barədə Modern.az-a danışan Milli Məclisin deputatı Fazil Mustafa bildirib ki, intihar insanın psixoloji durumu ilə bağlıdır.

 

Deputat deyib ki, intihar etmək istəyən adam bunu xəbərə baxıb etmir:

 

"Öz həyat tərzi, yaşamı, problemləri insana o qədər təsir göstərir ki, bunun əsasında belə bir qərar qəbul edir. Ona görə də, bu insanın bütövlükdə ailə mühitinə, həyat tərzinə, aurasına diqqət vermək lazımdır. Yoxsa, mediada bununla bağlı daha ciddi qaydalar, qadağalar olsa belə, fayda verməyəcək. Yəni kimsə xəbəri eşitməyəcək, beləliklə də, intihar olmayacaq deyə bir şey yoxdur”.

 

 

F.Mustafanın sözlərinə görə, bu, sosial-məişət xarakterli problemdir:

 

"Buna görə də, mən mətbuata məhdudiyyət qoymalı olduğumuzu düşünmürəm. Bunu öz məcrasında həll etmək lazımdır. Məncə, sosial şəbəkələrdə, yaxud mediada nəyinsə yayılması onu təşviq etmir. Bu intihara yönləndirmir. İnsan özü həyatından bezir, iradəsi zəif olur və cəhd edib məsələləri irəliyə doğru daşıyıb həll etmək əvəzinə bu yolu seçir”.

 

Parlamentari məsələnin həlli ilə bağlı öz təkliflərini qeyd edib:

 

"Bunun üçün böyük kompleks tədbirlər görülməlidir. İşsizlik ortadan qalxmalıdır. İnsanların rifahı artırılmalıdır. İnsan görür ki, iqtisadi cəhətdən çökür, acizdir, pulu-parası yoxdur gedib özünü asır. Borca girir özünü asır. Cəmiyyətddə baş verən problemlərin hamısının insan həyatına təsiri var. Məsələ bundan qaynaqlanır. Yoxsa, başqa cür bunun izahı yoxdur".

 

Psixoloq Elnarə Ceray təəssüflə son zamanlar intihar hallarının maksimum səviyyədə artmağa başladığını bildirib.

 

Onun sözlərinə görə, bu halları daha çox işıqlandırmaq, daha çox gündəmə gətirmək intihar düşüncəsi olmayan insanlarda da bu düşüncələri ortaya çıxarır:

 

"Yəni hansısa məsələdə həll yolu tapmayan insanlar deyirlər ki, "aha intihar deyə bir şey vamış, intihar edib canımı qurtarım”.

 

Psixoloq qeyd edib ki, hazırda işini itirən gənclər, universitetə qəbul olmayan abituriyentlər, boşanan şəxslər intihara daha çox meyilli olurlar:

 

"Yəni çıxış yolunu intiharda görürlər. İntihara səbəb olan bir faktor da insanın üzərinə çox gedilməsidir. Məsələn, abituriyentlərin üzərinə onların valideynləri gəlir. Ya ata, yaxud ana despot olur və övladına deyir ki, müəyyən bal yığıb filan fakültəyə daxil olmalısan. Onlar uşaqdan çox özünü və ətrafını düşünərək bunu edir. Buna abituriyentin də potensialı çatmayanda, nəticənin neqativ olacağını düşünür və canını qurtarmaq üçün intihar edir".

 

E.Ceray deyib ki, nəticənin müsbət olması üçün anlayış göstərilməlidir:

 

"Valideyn övladına qarşı, evli cütlüklər bir-birinə qarşı, işdə müdir işçilərinə qarşı anlayışlı olmalıdır. Daha çox söz danışmaqla məsələni həll etmək olar. Nə qədər insanın üzərinə getsəniz, onlar həmişəki kimi çıxış yolunu intiharda görəcək. Bunun tez-tez işıqlandırılması yeniyetmələr üçün mənfi təsir göstərir. Adi intihara sürükləyən bir film izləyəndə yeniyetmənin ağlına gəlir ki, belə bir çözüm var. Bunu çox da işıqlandırmaq heç yaxşı iş deyil. Yəni bu, "dəlinin yadına daş salmaq kimidir””.


Tarix: 14-05-2022, 09:42


Bölməyə aid digər xəbərlər