"Bir problemdən uzaqlaşan Ermənistan başqa bir problemlə üzləşə bilər. "Mir” kartları ilə işləməkdən imtina etməsi Rusiyadan turist axınının azalda bilər”.

Publika.az xəbər verir ki, bunu Rusiya Elmlər Akademiyasının İqtisadiyyat İnstitutunun Rusiya ilə qonşu dövlətlər arasında ikitərəfli əlaqələr sektorunun müdiri Artem Pılin bildirib.

Onun sözlərinə görə, "Mir”lə işləməkdən imtina Amerikanın sanksiyalarından qorxması ilə bağlıdır. Ekspert xatırladıb ki, ötən ilin sonunda Rusiyanın "Mir” sistemi ABŞ-ın sanksiyalarına məruz qalıb və bu gün Rusiya Federasiyasının tərəfdaşları, o cümlədən Ermənistan sanksiyalarla üzləşməmək üçün öz münasibətlərinə yenidən baxmağa məcburdurlar.

"Bununla belə, bu həllin mənfi tərəfi də var. "Mir” kartlarına xidmətdən imtina turist axınına və ümumilikdə Rusiya vətəndaşlarının Ermənistanda qalma rahatlığına təsir göstərə bilər”, - Pılin qeyd edib.

İqtisadçı bildirib ki, Rusiya Mərkəzi Bankı bu problemin mövcud olduğunu açıqlayıb və onun həlli yollarını axtarır: "Bu xərclərin minimuma endirilməsi ilə bağlı müxtəlif variantlar nəzərdən keçirilir, xüsusən də ölkələrin ərazisində birbaşa Rusiya xidmət ofisləri və bankomatları açmaqla”.

Belə ki, Ermənistanda VTB-nin törəmə şirkəti olan "VTB Ermənistan” var, bu, respublikanın ən böyük banklarından biridir və "Mir” kartlarına xidmət göstərməkdə davam edir. "Digər Rusiya bankları müştərilər üçün öz bankomatlarını aça bilər”, - ekspert hesab edir.