Gündəm / Cəmiyyət
22.07.2023, 23:39
ZƏHRA BALAMIZA DƏSTƏK OLAQ!
Son illər xərçəng xəstəliyi insanların bəlasına çevrilib. Artıq hər 5 nəfərdən biri bu xəstəlikdən əziyyət çəkir.
Bir neçə il bundan öncə insanlar tərəfindən qeyri-adi qarşılanan xərçəng artıq qrip kimi yayılıb və insanların qorxulu yuxusuna çevrilib.Artıq heç kimə sirr deyil ki, dünyada minlərlə insan xərçəng xəstəliyindən əziyyət çəkir.
Ölkəmizdə də bu xəstəlikdən əziyyət çəkən insanlar çoxdur. Bu gün haqqında danışmaq istəyimiz Mustafazadə Zəhra Taleh qızı da göz xərçəngindən əziyyət çəkir. Zəhra balamız demək olar ki, bir gözünün tamam görmə qabiliyyətini itirib. Müalicə və müayinəsi üçün lazım olan məbləğ tapılmır. Ailəsi əlindən gələni edir, lakin balaca Zəhranın müalicəsi üçün lazım olan məbləğ toplanmır. Ailənin gözü qabağında Zəhra balamız hər keçən gün biraz daha bu xəstəliyin qurbanına çevrilir.
Üzümüzü tuturuq imkanı daxilində kömək edə biləcək insanlara. Heç kəs sabahından sığortalanmayıb. Sabah başımıza nələr gələcəyindən bixəbər yaşayırıq. Bu gün əlimizdən gəldiyi qədər yaxşılıq edək. Yaxşılıq edək ki, bizim gücümüz sayəsində Zəhra balamız bu acımasız xəstəliyin qurbanı olmasın. Sağalsın, xəstəliyə qalib gəlsin. Axı uşaqlar bizim gələcəyimizdir. Gələcəyimizin məhv olmasına icazə verməyək!
Son xəbərlər
Ən çox oxunanlar
- Bu gün
- Bu həftə
- Bu ay