44 gün – Azərbaycan, o cümlədən dünya tarixinə qızıl rəqəmlərlə yazılmış şanlı zəfərimizin ömrüdür. Vətən müharibəsi, "dəmir yumruq” əməliyyatı, 2-ci Qarabağ savaşı, böyük qələbə kimi də adlandırılan bu 44 günlük şanlı unudulmaz zəfər tarixi...
Müasir dünya tarixinə qızıl hərflərlə yazılacaq Vətən müharibəsi.
Ehtiyatda olan hərbi qulluqçular, o cümlədən könüllü olaraq ordu sıralarına yazılmış gənclər döyüşlərə cəlb olundu.
Həmin igidlər 30 il ərzində "biz döyüşməyə hazırıq, lazım olsa ölümə də gedərik” ifadəsinin yalnızca söz xatirinə deyilmiş olmadığını sübut etdi. Belə igidlərimizdən biri də Əliyev Cavidan Ziyafət oğludur. Cavidan 2 Qarabağ döyüşçüsü, həm də aprel döyüşlərinin iştirakçısıdır. O, öz torpaqlarının düşmən tapdağından azad olunması naminə canla-başla vuruşmuş, qəsbkar erməni təcavüzkarlarına qan uddurmuşdur.
Bu cür qəhrəmanlar hələ uşaq yaşlarından vətənpərvərlik ruhunda böyüdülür, tərbiyyə edilir.
Cavidanın da valideynləri, onu məhz bu ab-havada böyüdüb, tərbiyə etmişlər.
Bu gün Cavidanı dünyaya gətirən, onu həyat verən, böyüyüb boya-başa çatdıran anasının doğum günüdür. Bizdə, Baş Direktorumuz Arzu müəllim başda olmaqla bütün redaksiya adından Gülnarə xanımı təbrik edir, ona uzun ömür can sağlığı arzu edirik. Dövlət və dövlətçiliyimizə, bu cür qəhrəman oğul böyütdüyü üçün ona təşəkkür edirik!