Gəncə Dövlət Regional Kollecinin direktoru fəlsəfə doktoru, dosent İlqar Nadir oğlu Kubışov öz işini vicdan və ləyaqətlə icra edir
Bu gün redaksiya olaraq haqqında söhbət açmaq istədiyimiz növbəti şəxs Gəncə Dövlət Regional kollecinin yeni direktoru fəlsəfə doktoru, dosent İlqar Nadir oğlu Kubışovdur.
1971-ci ildə Gəncə şəhəri ziyalı ailəsində anadan olmuşdur.
1988-1993-cü illərdə Azərbaycan Politexnik İnstitutunda (indiki
Azərbaycan Texniki Unversiteti) Maşınqayırma texnologiyası ixtisası üzrə
təhsil almışdır. Əmək fəaliyyətinə 1996-cı ildən Gəncə Dövlət
Universitetinin Tədris şöbəsində (indiki Tədris Departamenti) dispetçer
vəzifəsindən başlamışdır. 1997-2006-cı illər ərzində tədris məsələləri
üzrə prorektorun köməkçisi vəzifəsində, 2006-2012-ci illərdə rektorun
köməkçisi vəzifəsində, 2012-2015-i illərdə rektorun məsləhətçisi,
2015-2022-ci illərdə isə rektorun müşaviri vəzifəsində çalışmışdır.
13.05.2022-ci ildə Qiyabi şöbənin müdiri vəzifəsinə təyin olunmuşdur. İlqar Nadir oğlu Kubışov 2012-ci ildə Azərbaycan Respublikasının
Prezidenti Yanında Ali Attestasiya Komisiyasının müvafiq qərarına əsasən
riyaziyyat üzrə fəlsəfə doktoru, 2016-cı ildə isə dosentlik attestatına
layiq görülmüşdür.
Elm və Təhsil Naziri Emin Əmrullayevin əmri ilə kollecə yeni direktor təyin olunan İlqar müəllim vəzifəyə başladığı ilk gündən kollecdə müsbət dəyişikliklər baş vermişdir. Müəllim və şagird kollektivi ilə səmimi münasibət qurmuş, zamanında keçmiş direktor Fəxrəddin müəllimin buraxdığı səhvləri etməmək üçün lazımi tədbirləri görmüşdür.
İlqar müəllim öz işinin peşəkarı bir insandır. Peşəsini sevir, ən əsası onu vicdan və ləyaqətlə icra edir. Şagird və müəllim kollektivinin dərin hörmət və rəğbətini qazanmışdır. İlqar Kubışovun köməkçisi Kamil müəllim də İlqar müəllim kimi vicdanlı və ləyaqətli bir insandır. Əlindən gəldiyi qədər şagirdlərin problemləri ilə maraqlanır, həlli üçün kömək edir.
Nəzərinizə onu da çatdırmaq istəyirik ki, Kollecin bir çox üzdən iraq müəllimləri barəsində İlqar müəllim ciddi ölçü götürmüş və aidiyyatı qurumlara məlumat vermişdir.
Bizdə öz növbəmizdə redaksiyamız adından baş redaktorumuz Arzu müəllim başda olmaqla İlqar Kubışova həyat və fəaliyyətində uğur və nailiyyətlər arzu edirik. Allahdan uzun və sağlam ömür diləyirik.
Kanal1.az İnformasiya Xəbər Portalının baş redaktoru
Arzu Orucov