Bu peşəyə şərəf və ləyaqətlə xidmət edən peşəkar həkimlərimizdən biri də Şəmkir rayon Düyərli Tibb Ailə Sağlamlıq Mərkəzinin həkimi Nizami həkimdir.
Nizami həkim öz işinə, peşəsinə vicdanla yanaşır. Çünki o bilir ki, yaxşı həkim olmağın sirri ilk növbədə yaxşı insan olmaqdan keçir.
O, özünün savadı və biliyi, eyni zamanda alicənablığı ilə əsl insanlığa nümunə olan şəxslərdəndir.
Bildiyimiz kimi tibb sahəsində çalışan hər kəs həyatlarını, ailələrini və yaxınlarını bir kənara qoyub gecə-gündüz demədən, 24 saat ərzində böyük əzm və sədaqətlə çalışır. Nizami həkim də məhz bu cür bir insandır. Ölkəmizdə pandemiyanın tüğyan etdiyi bir zamanda Nizami həkim öz xidməti otağını tərk edib, kənd sakinlərinin sağlamlığı ilə yaxından maraqlanmışdır.
Nizami həkim bütün kollektivə, işçilərə əsl nümunə bir insandır.
O, həm insani xüsusiyyətləri özündə cəmləşdirdiyinə, həm də bütün iş prinsiplərinə riayət edən bacarıqlı tibb işçisi olduğuna görə çox sevilir.