Gündəm / Cəmiyyət
25.03.2024, 15:05
Mən dünyada müəllimdən yüksək ad tanımıram!
Müəllim ən gözəl varlıq, biliklər öyrənməkdə insana kömək edən, adı hər
kəs üçün əziz olan əvəzedilməz şəxsdir. Hamının müəllimi olur, onun hər
kəsə öyrətdiyi bilik, hətta hər cür ibadətdən üstün sayılır. Elə,
bunlara görədir ki, zaman-zaman müəllim haqqında müdrik sözlər və gözəl
kəlamlar deyilib. İnsanı kamilliyə çatdırmaq məqsədi güdən bu sənət
haqqında, hətta dahilər də belə deyiblər ki, bütün sənət və peşələrin
içərisində ən şərəflisidir. Bu yerdə, xüsusi olaraq onu vurğulamaq
istəyirəm ki, valideynlərimiz bizi göydən yerə endirsələr də, gözəl
müəllimlərimiz yerdən göyə qaldırıblar. Bir də ki, millətin gələcək
taleyi, hər mənada, cəmiyyətdə çox böyük rol oynayan müəllimin
əlindədir. Hər kəsə düz yol göstərən, onun yaxşı yaşaması və mükəmməl
insan olması üçün, ona stimul verən də, müəllim sayılır. O, təkcə özünün
deyil, həm də, hər bir şagirdinin sevinc, kədər və problem dolu
taleyini onunla birgə yaşayır, bütün ömrünü şagirdləriylə bölüşür.
Beləcə, gözünün nurunu, ürəyinin sevgisini, illərinin zəhmətini
şagirdlərinə bəxş edir.
Bu yazımda onlardan biri — daim özümüzə doğma bildiyimiz, sevimli və dəyərli olan Azərbaycan Yazıçılar Birliyinin və o cümlədən Azərbaycan Jurnalistlər Birliyinin üzvü, Gəncə şəhər 21 nömrəli tam orta məktəbin direktoru Quliyev Vidadi Əli oğlu barəsində, danışmaq istəyirik. Şagird və müəllim kollektivinin ona olan sonsuz sevgi və məhəbbətinin ifadəsi onun necə bir rəhbər olduğunu açıq aydın göstərir. O, özünü elm aləminə yaxşıların ən yaxşısı
kimi tanıtmağı bacaran, daha çox bütün həmkarlarının, şagirdlərinin,
dost-tanışlarının yaddaşlarında gözəl insan kimi özünə yer edən və
fəxrimiz olan Quliyev Vidadi Əli oğludur.
Doğrudan da, ömrünün yarıdan çoxunu öz sevimli peşəsinə həsr edən və
bütün cəhətlərdən nümunə olaraq göstərilən Quliyev Vidadi Əli oğlunun
nüfuzu bütün dönəmlərdə lap yüksəklərdə olub. Möhkəm və tükənməz
enerjili bu insanda yüksək bilik, bacarıq, istedad, səbr və iradə
görmüşük.
Dəyərli Vidadi müəllim biz sizin kimi müəllimlərlə qürur duyuruq! Üzünüzdən,
çəkdiyiniz zəhmətin bəhrəsindən doğan və heç vaxt əskik olmayan təbəssüm,
xoşbəxtlik də, bunu deməklə, bizi dəstəkləyir!
Kanal1.az İnformasiya Xəbər Portalının baş redaktoru
Arzu Orucov
Son xəbərlər
Ən çox oxunanlar
- Bu gün
- Bu həftə
- Bu ay