Gündəm / Cəmiyyət
20.05.2023, 14:05
Ələt-Astara yolu 40 km qısalıb, yolpulu niyə azalmır?
Cari ilin yanvar ayında rayonlararası və şəhərlərarası avtobus
marşrutlarında məsafəyə uyğun sərnişin biletlərinin yeni tarifləri
müəyyən olunub. Qiymətlər Tarif Şurasının 31.01.2023-cü il tarixli 01
nömrəli qərarı ilə təsdiq edilmiş tarifə uyğun hesablanıb və bu tariflər
şəhər və rayonlardan Bakı istiqamətinə də şamil edilib. Amma nədənsə
Tarif Şurası, cənub bölgəsi istiqamətində olan rayonların gediş
haqqlarını köhnə Bakı-Astara yolu ilə hesablayaraq saxlayıb.
İlk olaraq qeyd edək ki, 2018-ci ildə, prezident İlham Əliyevin iştirakı
ilə yeni Ələt – Astara - İran ilə dövlət sərhədi avtomobil yolunun
açılışı oldu. Bununla da köhnə Bakı – Astara yolu, yeni magistral
avtomobil yolla, yəni Ələt - Astara yolu ilə əvəzləndi. Beləliklə məsafə
təqribən 35-40 km qədər qısaldı. Tez-tez iş və ya şəxsi məsələləri üçün Bakı şəhərinə getməli olan Lənkəran sakinləri Tarif Şurasının son qərarı ilə razı deyil. Sakinlərlə söhbətdə bildirdilər ki, Tarif Şurası əslində avtobuslarda gediş haqqını köhnə Lənkəran-Bakı marşrut xətti ilə yox, yeni salınan magistral yola uyğun hesablamalı idi. Çünki hazırda Bakı şəhərinə gedən avtobuslar yeni yoldan istifadə edirlər.
Qeyd edək ki, Tarif Şurasının qərarı 3 fevral 2023 - cü il tarixindən qüvvəyə minib və avtobuslarda gediş haqqları fərqləri km -ə görə cənub zonası istiqamətində olan bütün rayonlara öz təsirini göstərib. Hazırda avtobuslarda Lənkərandan Bakı şəhərinə gediş haqqı 272 km məsafəyə görə (272 * 0,3 qəpik) hesablanaraq 8 manat 20 qəpik müəyyən edilib.
İlkin Rzayev
Rövşən Almazoğlu
APA TV Lənkəran
Son xəbərlər
Ən çox oxunanlar
- Bu gün
- Bu həftə
- Bu ay