Türkiyə Böyük Millət Məclisinin sədri Mustafa Şentop Milli Məclisin spikeri Sahibə Qafarovaya 28 May - Respublika Günü münasibətilə təbrik ünvanlayıb.

“Kanal1.az” xəbər verir ki, M.Şentop məktubunda dost və qardaş Azərbaycan xalqını təbrik edib.

Parlament sədri bildirib ki, 1918-ci il 28 may tarixində Cümhuriyyətin elan edilməsi Azərbaycan tarixinin dönüş nöqtəsi olub: "Təməli o günlərdə qoyulan Azərbaycan bu gün müstəqil dövlət olaraq bölgənin və dünyanın parlaq ulduzudur. Azərbaycan müstəqillik əldə etdikdən sonra qazandığı uğurlar Türkiyə üçün qürur mənbəyidir. Bizim qardaşlıq səviyyəsindəki əməkdaşlığımız bölgədə sülh, rifah və firavanlığa töhfə verir".