Türkiyədə davam edən meşə yanğınları ilə mübarizədə Azərbaycandan gələn yanğınsöndürənlər də iştirak edirlər. Türkiyə Prezidenti yanğından təsirlənən bölgələri təbii fəlakət zonası elan edib.

Son günlər yaranan 100-ə yaxın meşə yanğınından 88-i nəzarət altına alınıb. Bu barədə şənbə günü ölkənin kənd və meşə təsərrüfatı naziri Bekir Pakdemirli deyib.

Anadolu agentliyi xəbər verir ki, Antalya vilayətinin Manavgat bölgəsində yanğınla mübarizə aparan iki işçinin cəsədi tapılıb və bununla da yanğın nəticəsində ölənlərin ümumi sayı 6-ya çatıb.

Türkiyədə insanlar meşə yanğınlarını "öz imkanları hesabına" söndürməyə çalışırlar
Şənbə günü Türkiyəyə gələn Azərbaycan Fövqəladə Hallar Nazirliyi əməkdaşlarının ilk qrupu yanğının söndürülməsində iştirak edir