"Kanal1.az"
Ağ evin rəhbəri Co Baydenin qondarma soyqırımını tanıyacağı artıq tam təsdiqini tapır. Tarixə bu saxta soyqırımı tanıyacaq prezident kimi düşəcək Baydenin bu qərarı heç də erməniləri sevməkdən, onların iddia olunan faciəsinə şərik olmaqdan irəli gəlmir. Sadəcə, bununla Türkiyənin son illər bölgədə və dünyada artan nüfuzundan narahatdır. Ankaranı Rusiya ilə qurduğu sıx münasibətlərə görə cəzalandırmaq istəyi göz önündədir. Başqa bir məsələ də var.

Türkiyə mediasında dərc olunan məqalələrdə nüfuzlu köşə yazarları Baydenin erməniləri çox pis vəziyyətə salacağı xüsusi vurğulanır. Vaxtilə prezident Rəcəb Tayyib Ərdoğanın da ifadə etdiyi kimi, Türkiyədə olan yüz mindən artıq erməninin taleyini sual altına qoymuş olur. Türk yazarlardan biri qeyd edir ki, Bayden bu addımı ilə 150 min ermənini çörəklə imtahana çəkir. Həmin ermənilər qeyri-qanuni şəkildə Türkiyəyə gəliblər. Və qondarma soyqırımın tanınmasından sonra Türkiyə asanlıqla onları ölkədən deportasiyasına nail ola bilər. Beynəlxalq qanunla da bunu ehtiva edir. Necə ki, Avropa dövlətəri bunu asanlıqla edir.

Artıq belə narazılıq elə ermənilərin özləri tərəfindən səslənib. Məsələn, Türkiyə ermənilərinin patriarxı Sahak Maşalyan deyib ki, bəzi ölkələrin xalqımızın acısını və əcdadlarımızın müqəddəs xatirəsini gündəlik siyasi məqsədlər üçün alətə çevirməsini görmək onları üzür:

"1915-ci il hadisələri ilə bağlı açıqlama yayan din xadimi bildirib ki, türklər və ermənilər arasında sülh, dostluq və qardaşlığı təşviq və müdafiə etməkdə davam edəcəklər: "Bizdən əvvəlki mərhum patriarxlarımız da belə ediblər. 106 il əvvəl baş vermiş hadisələri min illik ortaq tarixin acı bir istisnası kimi görüb, münasibətlərimizi qonşuluq və mənfəət üzərində yenidən qurulmasını təşviq edəcəyik. Türkiyə və Ermənistan qonşu dövlətlərdir. İnanıram ki, tanrının köməyi ilə türk-erməni münasibətlərində qardaşlıq və qarşılıqlı hörmətə əsaslanan əlaqələr daha güclü şəkildə təmin olunacaq. Türkiyə və Ermənistanın rəsmi qurumları arasında əlaqələrin qurulmasını ümidlə gözləyirik".

Din xadimi müxtəlif ölkələri 1915-ci il hadisələrini müzakirə etməməyə çağırıb.

Beləliklə, Baydenin Roma Papasından artıq katolik rolunda çıxış etməsi ermənilərə ciddi zərbə vuracağı sözsüzdür. Bu səbəbdən də, Azərbaycan və Türkiyənin bayraqlarını yandırmaq kimi vandal addımlardansa, patriarx kimi bəyanatlar vermələri ən ağıılı addım olardı.