Hər zaman acgöz,tamahkar və məsuliyyətsiz məmurların ucbatından sadə,fəqir və biçarə vətəndaşlar əziyyət çəkiblər. Tarix boyu şahidi olmuşuq ki,mal-mülkə hərisi olan məmurlar zaman-zaman öz nəfslərinin qurbanınına çevriliblər. Bu gün barəsində bəhs edəcəyimiz şəxs məhz o məmurlardandır ki,yetimin,əlilin və kimsəsizin haqqını mənimsəyib öz sərvətini və şan-şöhrətini çoxaltmaqda ittiham olunur.

Belə ki,bir neçə gün öncə "DogruXeber.az" informasiya agentliyinin redaksiyasında internat məzunu olan Salahov Vüqar Rəfayıl oğlu şikayətçi qismində müsahibimiz olmuşdur. V.Salahov müsahibəsi zamanı bir çox qanunsuz işlər və hətta intihara cəhd hadisəsi haqqında maraqlı məlumatlar bildirmişdir.



Şəxsin sözlərinə görə,zaman-zaman dövlət binasında cinayət xarakterli hadisələrin baş verməsinə baxmayaraq, hər biri DSMF-nun şöbə müdri Vüqar Behbudov tərəfindən ört-basdır edilirmiş. Vüqar Salahovun sözlərinə görə dövlət tərəfindən internat məzunları üçün inşa edilən binaları,Vüqar Behbudov müxtəlif şəxslərlə iş birliyi quraraq rüşvət qarşılığında növbədə olmayan internat məzunlarına satırmış.

Hər dəfə növbəsinin çatacağını gözləyən məzunlara isə yalan vədlər verərək,növbəti mərhələni vəd edirmiş. Süründürməçilikdən və yalan vədlərdən cana doyan internat məzunlarının bir neçəsi,hətta DSMF-nun inzibati binasında özlərinə sui-qəst də ediblər.
Bu cür hadisələr baş verdikdən sonra Vüqar Behbudov həmin şəxləri evlə təmin edirmiş. Bu hələ son deyil. Müsahibimizin sözlərinə görə Vüqar Behbudov bir qrup səlahiyyətli şəxlərlə zəncirvari əlaqələr quraraq məzunlar üçün inşa edilən binaları külli miqdarda rüşvət qarşılığında satırmış. Hətta V.Salahov bütün dediklərinə dair əlində yetərli maddi sübutlarının olduğunu israrla bildirmişdir.

Müsahibə zamanı həqiqətən də olunan iddiaların nə dərəcədə həqiqət olması bizim üçün də çox maraqlı idi. Məhz bu məqsədlə də iddiaçının iddialarının təfərrüatlarını araşdırdıq. İnternat məzunu V.Salahovun təqdim etdiyi videorolikdə böyük bir qruplaşmanın çirkin əməllərini aşkar edən aideo və video görüntüləri əks olunmuşdur. Bu isə edilən iddianın tam əsaslı olduğunu sübut edən bir dəlildir.

P.S. Redaksiyamız qarşı tərəfin mövqeyini öyrənmək üçün DSMF-nun şöbə müdiri Vüqar Behbudovla telefon əlaqəsi saxladı. Dəstəyi qaldıran V.Behbudov suallarımıza cavab verməkdən imtina etdi.
P.S.S. Hesab edirik ki,məsələyə münasibət bildirməmək ya olunan iddialarla barışmaq deməkdir,ya da ki... “CD”də kimlərin səsi və görüntüsü var?
Ardı var...!!