Turantv.az xəbər verir ki, bunu politoloq Oqtay Qasımov deyib.

Onun sözlərinə görə, sülhməramlıların burada qalma müddəti Azərbaycanla Rusiya arasındakı müzakirələrdən asılıdır:

"Hələlik görünür onların burada müəyyən funksiyaları var. Vladimir Putin bildirdi ki, bu, məsələ Azərbaycanla Rusiya arasında müzakirə olunacaq. Üçtərəfli bəyanatın şərtinə görə, sülhməramlıların qalma müddəti maksimum 2025-ci ilin noyabr ayına qədərdir. Bu baxımdan, proses öz-özlüyündə təbii yolla gedir. Nə zaman ki bölgədə bütün məsələlər həllini tapacaq, o zaman Rusiya sülhməramlılarına ehtiyac qalmayacaq”.

Oqtay Qasımov qeyd edib ki, ayın sonuna doğru Brüsseldə liderlər səviyyəsində üçtərəfli görüş baş tuta bilər:

"Rusiya tərəfindən də təşəbbüs oldu. Amma Ermənistan son zamanlar Rusiyanın istəklərindən yayınmağa çalışır. Üç format vardı, danışıqlar da bu platformalarda aparılıb. Azərbaycan üçün vacib olan sazişin hansı şəhərdə imzalanması yox, sənədin beynəlxalq hüquq və ədalət prinsipinə uyğun imzalanmasıdır. Yəni bizim üçün məkanın fərqi yoxdur.

Prezident İlham Əliyev təşəbbüs irəli sürdü, Ermənistanı birbaşa danışıqlar üçün Tiflisdə görüşün keçirilməsini təklif etdi. Ermənistan hələlik bu təklifə münasibətdə susur”./Teleqraf.com