Son illər dələduzların sayı günbəgün artır. Hər bir sahənin özünə məxsus dələduzu olur. Bu gün min bir yalanla insanları yoldan çıxarıb, onların pullarını əllərindən alan dələduzlar haqqında danışacağıq. 

 

Redaksiyamız gündəmdə olan bir mövzu haqqında ətraflı məlumat vermək istəyir. 

 

Belə ki, Zaur Rzayev adlı şəxs Rauf Bədəlzadəyə böhtan atır ki, guya Zaur Rauf Bədəlzadəyə 30 min dollar məbləğində pul vermişdir. Rauf Bədəlzadə hal hazırda Almaniyada yaşayır. 

 

Zaur Rzayev Yasamal rayon Məhkəməsinə ərizə ilə müraciət etmişdir. Məhkəmədən bildiriş Rauf Bədəlzadəyə deyil, onun illər öncə bir yerdə çalışdığı indi heç bir əlaqəsi olmayan Vasif adlı şəxsin ünvanına gəlib. Vasif  müəllim Rauf Bədəlzadə ilə heç bir əlaqəsi olmadığından onun özünə yox, ortaq tanışları olan bir adama bildirir ki, bəs mənim evimə Rauf ilə bağlı Məhkəmə kağızı gəlmişdir. 

 

Zaur Rzayev 30 min dolların 10 min dollarının ona geri verildiyini də qeyd etmişdir. 

 

Zaur Rzayev bildirib ki, Guya Rauf Bədəlzadə Zaur Rzayevə bildirmişdir ki, qaytarılan 10 min dolların 5 min dollarını Mirabbas Zalıyev, digər 5 min dollarını isə Vasif vermişdir. Vasif və Mirabbas hər ikisi məhkəməyə çağırılıblar. Ifadə zamanı məlum olub ki, onlar Zaur Rzayevi ümumiyyətlə tanımırlar, Rauf Bədəlzadəylə isə heç bir əlaqələri yoxdur. Bildiriblər ki, heç bir əlaqələrinin olmadıqları bir insan üçün niye pul verməlidirlər. Daha sonra Zaur Rzayevdən sənəd tələb ediblər ki, pulu bizim verdiyimizə dair Zaur bizə sənəd göstərsin. Zaur Rzayev isə heç bir sənəd və sübut göstərə bilməyib. Ən azından bir sənəd və yaxud şahid olmalıdır axı.

 

Vasif məhkəmədə Zaurdan onu tanıyıb tanımadığını soruşmuşdur. Zaur isə Vasifi tanımadığını bildirmişdir. Vasif Zaura bəs tanımaya tanımaya mənim adımı niye ora yazmısan demişdir. Məhkəmə zalında gülüşmə yaranmışdır. Doğurdanda gülünəsi bir vəziyyətdir. 

 

Belə bir sual yaranır bu vəziyyətdə. Ay Zaur Rzayev sen kiməsə 30 min manat verəndə niyə ən azından bir kağız hazırlamadın? Yada bir Şahidin yoxdurmu sənin? Bəlkə heç verdiyin o pul qayitamayacaqdi sənə. Görünür Yasamal rayon Məhkəməsi üçün elədə maraqlı deyil bu məsələnin aydın olması. Işə Təhminə Xəlilova adlı hakim baxırmış. Işi ondan alıb Vahid Hacıyevə veriblər. Hörmətli Vahid Hacıyev sualım sizədir. Siz kiməsə 10 min manatı götürüb elə belə verərsiniz? O ki qala 30 min dolları. Dövlət bu işlər üçün idarə yaradıb. Pulu alan, verən şəxslər hər biri qol çəkməlidirlər, təsdiq etməlidirlər. Dərəbəylik deyilki. Zaur Rzayev sen indi necə sübut edə bilersenki həqiqətən Rauf Bədəlzadə səndən 30 min dollar alıb, 10 min dollarını qaytarıb, 20 min dollar qaytarmalıdır.

Məhkəmə Zaur Rzayevin məhkəməyə təqdim etdiyi yalançı bir səs yazısı ilə qərar vermişdir. Halbuki o səsə heç hakim qulaq belə asmamışdır. Dünən məhkəmədə səs yazısını dinləməyi tələb etdik. Guya texnikaları işləmir, notebook xarab olub ya başqa nəsə kimi min cür bəhanə gətirdilər. Daha sonra fasilə verildi. Məhkəmə zalına döndükdə Zaur Rzayevin vəkilinin telefonunda səsə qulaq asa bildik. Lakin qulaq asdığımiz səs həmin birinci səs deyildi. Dinlədiyimiz səsdə heç bu mövzu ilə əlaqəsi olmayan ses idi. 

 

Hörmətli Vahid Hacıyev sizin əlinizdə hal hazırda heç bir sübut yoxdur. Tam araşdırmadan, özünüzdən qərarlar verirsiniz. 

 

Və sonda Zaur Rzayev siz şər yaxıb, böhtan atmaqla məşğulsunuz. Əlinizdə heç bir sübut olmadan guya kiməsə pul verirsiniz adı ilə şər atırsınız. Görəsən bu addımı kimə və nəyə güvənərək atırsınız?

 

Məsələ ilə bağlı üzümüzü tuturuq aidiyyatı qurumlara. Zaur Rzayev kimi yalançı insanlar araşdırılıb, cəzalandırılmalıdır. 

 

Məsələ ilə bağlı araşdırmamız davam edir, qarşı tərəfin mövqeyini dinləməyə hazırıq.