"Ailəlikcə qurban kəsmirik" deyən deputat 25 nəfərə kabab çəkib

Gündəm / Manşet

12.07.2022, 13:12

"Ailəlikcə qurban kəsmirik" deyən deputat 25 nəfərə kabab çəkib - Bu da FOTOSU!

92 saylı Zərdab-Ucar seçki dairəsindən millət vəkili seçilən Jalə Əliyevanın Qurban bayramı ilə bağlı açıqlması insanlar tərəfindən birmənalı qarşılanmayıb.
Teref yeniavaz.com-a istinadla xəbər verir ki, deputat Jalə Əliyeva mətbuata verdiyi açıqlmada ailəlikcə qurban kəsmirik deyib.
Deputat deyib ki, ilboyu hansısa savab iş görürsənsə və qurbana verilən vəsaiti ehtiyacı olan biri ilə paylaya bilirsənsə, o da özlüyündə qurbandır: "Yəni hansısa canlını kəsib paylamaq yerinə ehtiyacı olan kimsənin faydalı işinə yardım etmək mənim nəzərimcə, daha uyğundur. Hər zaman belə edirəm. Ümumiyyətlə, biz ailəlikcə qurban kəsmirik. Amma onun əvəzinə ianələrimizi veririk”.
Jalə Əliyevanın bu açıqlamasından sonra sosial şəbəkə istifadəçiləri onun 12 il əvvəl mətbuatda yayılan fotosunu paylaşıblar. Deputat kabab çəkərkən çəkilən fotosunun altında bu cümlələri qeyd edib: "Nabrana ailəlikcə istirahətə getmişdik. 25 nəfərlik nümayəndə heyətinə kababı mən çəkdim”.
Sosial şəbəkə istifadəçilərindən biri yazıb ki, deputat Jalə Əliyeva heyvan kəsilməyinin əleyhinə olduğunu deyib: "Çox gözəl. Amma ikinci şəkil göstərir ki, Jalə xanım kabab yeməyi də, hətta öz əliylə çəkməyi də xoşlayır. Hər iki variant ayrı-ayrılıqda pis şey deyil, amma bir-birinə ziddir. Heyvana yazığı gələn, kəsilməyini istəməyən adam gərək əti də xoşlamasın. Məntiqlə...”