Xəbər verdiyimiz kimi, evdən 10 min dollar götürüb qaçan 5 uşaq anası Məhərrəmova Məhluqə Məzahir qızı tapılıb.

BEŞ.AZ xəbər verir ki, Xəzər televiziyasında yayımlanan və Xoşqədəm Hidayətqızının aparıcılıq etdiyi "Səni axtarıram" verilişinə gələn Məhluqə Məhərrəmova həyat yoldaşı Eldarın yalan danışdığını bildirib.

O qeyd edib ki, aprelin 6-da gecə saat 4-də Eldar evə içkili gəlib:

"Məni gecə saat 4-də döyüb çılpaq şəkildə küçəyə atdı. Mən də o vəziyyətdə qonşumuzun evinə sıxındım. Bu günlər ərzində də qohumumun evində qalmışam. Bunu Eldar özü də bilirdi. Mən evdən 10 min dollar götürməmişəm. Uşaqlarımı əzabla böyütmüşəm. Eldara görə atamgilə gedə bilmirəm. Burnum 2-3 ay bundan əvvəl əməliyyat olmalı idi. Burnum qırıq idi. Nəfəs ala bilmirdim. Neyləyim, ölməli idim? ".

Veriliş zamanı ekspertlərlə Məhluqə arasında gərginlik yaşanıb.

Aparıcı Məhluqəyə irad tutaraq qışqırmamasını söyləyib.

Məhluqə isə qışqıracağını, ekspertlərin bilib-bilmədən danışdığını bildirib.

Qeyd edək ki, Məhərrəmova Məhluqə Məzahir qızı 3 dəfə ailə qurub. 3 evlilikdən 5 uşağı var.