Dominikan Respublikasında təyyarə qəzaya uğradı: Ölənlər var

Dominikan Respublikasında özəl "Gulfstream G200" təyyarəsi hava limanında təcili eniş cəhdi zamanı qəzaya uğrayıb.

Kanal1.Az xəbər verir ki, bu barədə sözügedən ölkənin mətbuatında məlumatlar yayılıb.

Məlumata görə, hadisə zamanı hava gəmisinin göyərtəsindəki hər iki pilot həlak olub.

Qeyd edilib ki, təyyarə çarter reysi ilə Texasa (ABŞ) uçurmuş, lakin mühərrikdə baş verən nasazlıqlar səbəbindən təcili eniş tələb etmək məcburiyyətində qalıb.

Hadisə ilə bağlı araşdırma aparılır.