Qeyd edilən məsələ ilə bağlı qeyd etmək istəyirəm ki, Arzu Orucov noyabr ayının 13-də DİN-in 102 Zəng Mərkəzi Xidmətinə müraciət edərək Gəncə şəhər ərazisində idarə etdiyi VAZ markalı avtomobil ilə hərəkətdə olan zaman  Chevrolet markalı avtomobil yol nəqliyyat hadisəsi törədərək hadisə yerindən yayınmasını bildirib. Müraciət ilə bağlı Gəncə Şəhər Baş Polis İdarəsinin əməkdaşları hadisə yerinə gələrək müvafiq araşdırmalar aparıb və hadisə yerindən yayınan sürücünün Kənan Novruzov olması müəyyən edilib. K. Novruzov Dövlət Yol Polisi Şöbəsinin əməkdaşları tərəfindən müvafiq həkim müayinəsindən keçirilib və onun hadisə zamanı ayıq olması müəyyən edilib. Chevrolet markalı avtomobilin sürücüsü barədə İnzibati Xətalar Məcəlləsinin 327.1 və 327.6-cı maddələri ilə protokol tərtib olunaraq 100 manat və 4 cərimə bal həddində cərimələnib. Baş vermiş hadisə ilə bağlı material toplanaraq aidiyyəti üzrə sığorta şirkətinə göndərilib. Ona görə də A. Orucov dəymiş ziyanla bağlı DİN-nə deyil aidiyyəti qurumlara müraciət etməlidir.