Market alış-verişində insanları narahat edən əsas məqamlardan biri də istifadə müddəti bitmiş məhsulların satışıdır. Belə hallar marketlərdə dəfələrlə bir çoxumuzun qarşısına çıxıb. Qanunvericilikdə yararlılıq vaxtı keçmiş ərzaq mallarının satışı qadağandır". Onu da nəzərinizə çatdırmaq istəyirik ki, məhsullar satış məntəqələrinə verildikdə tərəflər arasında qarşılıqlı razılaşma olur. Razılaşmaya əsasən, məhsulların son istifadə müddəti bitdikdə və ya müddətindən əvvəl keyfiyyət göstəriciləri pozulduqda, onlar istehsalçıya və ya distributor firmalara qaytarılır. 

Bəs bu gün ölkəmizdə marketlərdə niyə vaxtı keçmiş məhsullara rast gəlirik. 

Redaksiya olaraq nəzərinizə çatdırmaq istəyirik ki, bu cür daha bir qanun pozuntusu Goranboy rayon, Qaradağlılar kəndində yerləşən Mərkəz market adlanan marketdə aşkar edilmişdir. İstifadə müddəti bitmiş məhsullar vitrində alıcılara təqdim olunurdu. 

Növbəti qanun pozuntusu Goranboy rayon, Qaradağlılar kəndində yerləşən Dilən marketdə aşkar edilmişdir.

Yoxlama zamanı mağazada qida təhlükəsizliyi sahəsində normativ hüquqi sənədlərin tələblərinin kobud şəkildə pozulduğu, həmçinin istifadə müddəti bitmiş müxtəlif qida məhsullarının qanunsuz satışının həyata keçirildiyi aşkar edilib. 

"Ömrü” bitən məhsullarla bağlı Qida Təhlükəsizliyi Agentliyi hara baxır görəsən? Niyə öz işlərinə bu qədər məsuliyyətsiz və laqeyd yanaşırlar? 

Məsələ ilə bağlı üzümüzü tuturuq aidiyyatı qurumlara. Son istifadə müddəti bitmiş hər bir məhsul vitrindən yığışdırılmalıdır. Əks təqdirdə market sahibi araşdırılmalı, haqqında lazımi tədbir görülməlidir.

Həmçinin öz işinə laqeyd yanaşan hər bir Qida Təhlükəsizliyi Agentliyi əməkdaşı barəsində ciddi tədbir görülməlidir. 

Məsələ ilə bağlı araşdırmamız davam edir, qarşı tərəfin mövqeyini dinləməyə hazırıq.

Kanal1.az İnformasiya Xəbər Portalının baş redaktoru 

Arzu Orucov