Nazir müavininin övladları 100 minlik avtomobillərdə gəzirlər… 

Məlumdur ki, 2 aydır ekoaktivislərimiz-ekofəallarımız erməni daşnakların Qarabağda meşələri məhv etməsi ilə bağlı ciddi etiraz aksiyası keçirirlər. Bunu bütün cəmiyyətimiz yüksək dəyərləndirir. Amma…
Bu gün oxuyuram ki, Ekologiya və Təbii Sərvətlər nazirinin müavini Vüqar Kərimov hansısa agentliyə açıqlama verərək, erməniləri yıxıb sürüyüb ki, meşələrimizi qırıblar. Ay Vüqar Kərimov, Azərbaycanda meşələrə, ağaclara qənim kəsilənin yekəsi sənsən, sən necə başqalarını ittiham edə bilərsən..? O erməni eşşək oğlu bilirik ki, düşmənimizdir.
Ermənilər bizim düşmənlərimizdir və onların biizm təbiətimizə vurduğu ziyan bəllidir. Bəs, sən axı, Allah qoymasa, bizim millətin nümayəndəsisən və üstəlik nazir müavinisən. Bəs sən niyə meşələrimizi qırırsan, ağacları məhv edirsən..?
Bütün bunlara aydınlıq gətirmək üçün gəlin Vüqar Kərimovun kimliyinə, keçmişinə nəzər salaq. Deməli, Vüqar Kərimov 1973-cü ildə Şəki rayonunun Kiş kəndində anadan olub. 1995-ci ildə Gəncə Dövlət Universitetini (biologiya və kimya ixtisası üzrə), 2014-cü ildə Azərbaycan Respublikasının Prezidenti yanında Dövlət İdarəçilik Akademiyasını (dövlət və bələdiyyə idarəetməsi ixtisası üzrə) bitirib. 1995 – 1998-ci illərdə AMEA Botanika İnstitutunun 1998 – 2018-ci illərdə AMEA Botanika İnstitutunda əvvəl elmi işçi, sonra aparıcı elmi işçi, daha sonra böyük elmi işçi, laboratoriya və şöbə müdiri vəzifəsində çalışıb. 2008 – 2012-ci ilərdə SOCAR-ın Ekologiya İdarəsində işləyib; o cümlədən, 2008 – 2010-cu illərdə Yaşıllaşdırma Departamentinin əvvəl rəis müavini, sonra isə rəisi, 2010 – 2012-ci illərdə isə idarə rəisinin müavini olub. 2012 – 2018-ci illərdə SOCAR-ın "Azərikimya” İstehsalat Birliyinin icraçı direktorunun müavini vəzifəsində çalışıb. 2018-ci ildən Azərbaycan Respublikası Ekologiya və Təbii Sərvətlər Nazirliyində işləyir; o cümlədən, 2018 – 2020-ci illərdə aparat rəhbəri olub, 14 aprel 2020-ci il tarixindən isə nazir müavinidir.
Bəli, nazir müavini olan Vüqar Kərimov sanki meşələrimizin qəniminə çevrilib. Bu adam mantyoru, tarix müəllimini, təhsili olmayan şəxsləri regional meşə idarələrinə rəis təyin edib və onların vasitəsilə şəbəkə yaradıb.

Bəli, Vüqar Kərimovun adamları Cənub zonasında, Lənkaran Regional Meşə Təsərrüfatı Mərkəzinin Lerik, Astara, Lənkaran meşələrində qiymətli ağacları məhv edir. Daha doğrusu, yaxın dostu, heç bir təhsili olmayan Sərraf Quliyevin əli ilə meşələrdə "işlik” material üçün ağacları kəsdirərək "şpal” halına salıb Masallı və Lənkəranda olan sexlərə satır. Artiq Masallı və Lənkaranda olan sexlərdə material əlindən tərpənmək mümkün deyil. Vaxtilə bir neçə il bundan öncə özü də Masallıdakı sexlərə "işlik” material daşıyırdı və el arasında "şpal Sərraf” ləqəbi ilə tanınırdı və işində yol verdiyi nöqsana görə vaxtilə işlədiyi Hirkan Milli Parkindan da qovulmuşdur. Bu hələ harasıdır..?
Cənab nazirdən və onun müavinindən soruşan yoxdur ki, ali təhsili olmayan şəxsi necə idarə müdiri qoymusunuz..?
Çünki Vüqar Kərimovun dostu Sərrafın təhsili olmasa da ağacları yaxşı kəsməyi və satmağı bacarır. Vüqar Kərimovun yaxınları olan iki qardaş: Yadiqar Əmirov Hirkan Milli Parkında, Ceyhun Əmirov isə Regional Meşə Təsərrüfatında sahə rəisi işləyir. Onu tanıyanlardan biri nəql edir ki, Ceyhunu işdən qovmuşdular, amma az vaxtda Vüqar Kərimov ona yenidən vəzifə verdi. Bir sözlə, Vüqar Kərimov meşələrin hesabına milyonçuya çevrilib.
Əslən Şəkidən olan Vüqar Kərimov az qala Şəkinin yarısını zəbt edib, ən bahalı torpaqları ələ keçirib. Dövlətdən hər ay müəyyən məbləğdə əmək haqqı alan Vüqar Kərimovun övladları yüz minlərlə dəyəri olan avtomobillərə hansı pulla sahibləniblər..?
Sözün qısası, Vüqar Kərimovun fəalliyəti araşdırılsa, onun dəmir barmaqlıqlar arasından baxmaqdan başqa yolu qalmayacaq. Bir məsələni də nəzərə çatdıraq ki, Vüqar həmişə özünü başqa bir nazirin qohumu kimi təqdim edir. Bu o demək deyil ki, sən Şəkilisən, Bakılısan, Qaxlısan, haralı olursan ol, sən Azərbaycanlısan. Səni və sənin kimilərin hamısını ölkə başçımız vəzifəyə təyin edir. Sizin isə borcunuz, cənab Prezidentin etimadını doğrultmaq və xalqa xidmət etməkdir.

P.S. Hörmətli Vüqar Kərimov, bu gedişlə sən heç vaxt Muxtar Babayevi əvəz edə bilməyəcəksən.