Şikayət məktubunda qeyd edir ki, BDU-nun fəlsəfə üzrə dosenti Məmmədzadə Gülnarə Məmmədhəsən qızı, Tubi Məmmədovanın qızının xarici ölkədə təhsil alması üçün onlardan külli miqdarda pul alıb.

Şikayətçi qeyd edir ki, Gülnarə Məmməd-zadə uzun illərdir ki, BDU-də dərs deyir. Bu illər ərzində auditoriyada on minlərcə tələbə ilə qarşılaşıb. Təbii ki, tədris etdiyi elmin incəliklərini öz təbirincə öyrətməyə çalışıb. Sadəcə Gülnarə Məmməd-zadəni tanıdıqdan sonra, onun tədris etdiyi elmə xəyanət etmədiyinə çox ciddi şübhələrimiz yarandı.
Övladının ali təhsil almasını arzulayan Tubi xanımla taleyi "amansız zarafatı” edir. Onu Gülnarə Məmməd-zadə ilə qarşılaşdırır.

Gülnarə Tubi xanıma yalan vədlər verməklə əmin edir ki, onun qızını Moskvada hansısa nüfuzlu universitetlərin birinə qəbul etdirmək imkanı var. Bunun üçün ilkin olaraq 10000 min manat xərc çəkməlidir.
Gülnarə Məmməd-zadənin nüfuzuna, universitetin dossenti olmasına inanan Tubi xanım heç tərəddüd etmədən tələb olunan 10000 min manat pulu verir və səbirsizliklə qızının tələbə biletini gözləyir. Gülnarə isə öz növbəsində Rusiya ərazisində ucuz, qeydiyyatda olmayan universitetlər axtarışına çıxır. Nəhayət Dağıstanda nərdivan altı, heç bir qeydiyyatı olmayan universitet tapıb, ordakı, həmkarları ilə iş birliyinə başlayır.
Tubi xanım buna etiraz etdiyində isə, yenə də məharətli yalanları köməyinə çatır. Yenə də Tubi xanımı ovsunlayıb, sakitləşdirməyi bacarır.
Bu minvalla 4 illik təhsil müddətində Gülnarə Məmməd-zadə ailədən 27000 manat pul qoparmağı bacarır. Heyrətamiz hal o ki, dörd ildə rəngarəng yalanları necə məharətlə söyləyirsə, haqqında zərrə qədər şübhə yaratmır. Nəhayət təhsil müddəti başa çatdıqdan sonra ələ gələn diplomun heç bir işə yaramadığı , saxta sənəd olduğu aşkar olur. Belə olan halda Tubi xanımla Gülnarə Məmməd-zadə arasında ciddi mübahisə yaranır.

Bunca illər Gülnarə atlı, Tubi xanım piyada olub, onu axtarır. Tapmayınca çarəni redaksiyamıza muraciətdə axtardı.

Şikayətçi Tubi Məmmədova Xəbəral.az saytına onuda bildirdi ki, hal-hazırda iş Yasamal 29-cu polis bölməsində araşdırılır.

Tubi Məmmədova hüquq mühafizə orqanlarının sözügedən məsələ ilə bağlı obyektiv qərar verəcəyinə güvənir.

Bizdə Xəbəral.az olaraq qarşı tərəfin mövqein dinləmək məqsədi ilə Gülnarə Məmmədzadə ilə telefon əlaqəsi saxladıq.

Gülnarə Məmmədzadə bizə bildirdi ki, deyilənlərin hamısı yalandır. Vətəndaş Tubi Məmmədova onu şərləyir. İstintaq 29-cu bölmədə artıq yekunlaşıb. Məsələ öz təsdiqini tapmayıb.

Gülnarə Məmmədzadə onuda qeyd etdi ki, hazırda onkaloji xəstədir, ümumiyyətlə bu mövzu ilə bağlı danışmaq istəmir.

Şikayətçi Tubi Məmmədovanın saytımıza göndərdiyi şikayət məktubunu olduğu kimi sizlərə təqdim edirik.

Mövzuya qayıdacağıq…

Qarşı tərəfin mövqe haqqını yenidən tanıyırıq