Bu gün Azərbaycan diasporunun tanınmış simalarından Şimali Osetiya-Alaniya Respublikası Azərbaycanlıları Konqresinin fəxri prezidenti Şahin Məmmədov barəsində danışacağıq. 

Şahin Məmmədov Şimali Osetiya-Alaniya Respublikasında yaşayan soydaşlarımızın hüquqlarının müdafiəsində, Azərbaycan həqiqətlərinin dünyaya çatdırılmasında, ölkəmizin mənafeyinin qorunmasında, ümumiyyətlə, Rusiya ilə siyasi, iqtisadi, mədəni və humanitar əlaqələrin möhkəmlənməsində müstəsna xidmətləri var.

Təsadüfi deyil ki, o, Azərbaycanla bağlı bütün tarixi günlərin, bayramların, eləcə də xalqımızın başına açılan faciələrin Şimali Osetiya-Alaniya Respublikasında qeyd olunmasını bir missiya kimi həyata keçirən ən fəal diaspor sədri kimi tanınır.

Şahin Məmmədov Şimali Osetiya-Alaniya Respublikasında təhsil alan gənclərin koordinasiya olunması, bu ölkədə yaşayan ziyalıların bir araya gəlməsi, Azərbaycan naminə müəyyən layihələrin həyata keçirilməsində də öndə olan şəxslərdəndir.

Şahin Məmmədovun fəaliyyətinin başlıca istiqaməti həm də yaşadığı və fəaliyyət göstərdiyi Şimali Osetiya-Alaniya Respublikasında Azərbaycana qarşı olan qüvvələrlə mübarizə, xüsusi ilə erməni əks-təbliğatının qarşısını almaq, Vətənimizlə bağlı həqiqətləri təqdim etməkdir. Bunun üçün o, bir neçə beynəlxalq tədbirlərin, elmi konfransların, aksiyaların, xeyriyyə tədbirlərinin keçirilməsinə nail olub.

Həmçinin Şimali Osetiya Alanya Respublikasının paytaxtı VladiQafqaz şəhərində Ümummilli lider Heydər Əliyevin anadan olmasının 100 illik yubileyi münasibətilə təntənəli tədbir keçirilib. Tədbirdə yerli, eləcə də Azərbaycandan rəsmi qonaqlar iştirak ediblər. Belə ki, tədbirə Diasporla iş üzrə Dövlət Komitəsinin birinci ərazi şöbəsinin müdir müavini Əli Baydarov, Azərbaycan Milli Məclisinin deputatı Aydın Mirzəzadə, eləcə də Şimali Osetiya Alanya Respublikası Azərbaycanlıları Konqresinin fəxri prezidenti Şahin Məmmədov, Şimali Osetiya Alanya Respublikası Azərbaycanlıları Konqresinin sədri Murtuz Gülməmmədov, VladiQafqaz şəhərinin meri və başqa şəxslər iştirak etmişlər. Təntənəli tədbirlər gil və əkillərin qoyulması ilə başlayıb. Tədbirdə Ulu Öndərin həyat və yaradıcılığından danışılıb. Şahin Məmmədov çıxış edərək Ulu Öndər Heydər Əliyevin Azərbaycanın həyatındakı mühüm rolundan danışıb. 

Tədbir Şimali Osetiya-Alaniya incəsənət ustalarının iştirak etdikləri konsert proqramı ilə başa çatıb.