Jalə Təbrizli: “Urmiya gölünün qurudulması azərbaycanlılara qarşı ayrı-seçkilikdir”
"Urmiya gölünün qurudulması azərbaycanlılara qarşı ayrı-seçkilikdir”.
"Report”
xəbər verir ki, bunu Təbriz əsilli və hazırda Fransada yaşayan
azərbaycanlı tədqiqatçı, İran azərbaycanlılarının insan hüquqları
müdafiəçisi, "Ərk” İnsan Haqları Komitəsinin sədri Jalə Təbrizli
noyabrın 30-da Topçubaşov mərkəzi tərəfindən təşkil olunmuş "Urmu
gölünün harayı” adlı tədbirdə deyib.
Onun sözlərinə görə, Urmiya gölünün qurumasının hamı üçün ziyanı var.
J.Təbrizli
bildirib ki, BMT-də, UNESCO-da Urmiya gölünün qurumasının qarşısının
alınması üçün vəsait ayrılmasına dair məsələ qaldırıblar.
"İran
həmin vəsaiti özü üçün xərclədi. Ancaq gölün quruması üçün heç bir
vəsait xərcləmədi. Urmiya gölünün quruması Azərbaycana qarşı
ayrı-seçkilikdir. İranda bir nəfər yoxdur ki, desin ki, mən buna görə
məsuliyyət daşıyıram. Hazırda gölün 95 faizi quruyub. Urmiya gölünün
ətrafında yaşayan 14 milyon insan oradan köçürülməlidir. Çünki orada
xəstəliklər yayılır”, - "Ərk” İnsan Haqları Komitəsinin sədri
vurğulayıb.
Son xəbərlər
Ən çox oxunanlar
- Bu gün
- Bu həftə
- Bu ay