Mənzil alqı-satqısı zamanı ƏDV-ni necə almaq olar? - VİDEO
"Bina
tikintisi ilə məşğul olan şəxslər bu portala daxil olaraq alıcıya
qaydaların tələblərinə uyğun elektron qaimə-faktura tərtib
etməlidirlər”.
Dövlət Vergi Xidmətinin şöbə rəisi Telman Məmmədov
"Xəzər” TV-yə bildirib ki, nağdsız qaydada alınmış yaşayış və
qeyri-yaşayış sahələri üçün ödənilmiş əlavə dəyər vergisinin bir
hissəsinin qaytarılması ilə bağlı elektron qaimələrin tərtib edilməsi və
alıcılar tərəfindən müraciətlərin edilməsi üçün portal
(https://new.e-taxes.gov.az/eportal/az/login/) istifadəyə verilib.
Şöbə
rəisi bildirib ki, elektron qaimə-faktura tərtib edildikdən sonra alıcı
şəxsi kabinetində yerləşən keçid vasitəsilə qaydaların tələblərinə
uyğun şəkildə ödənişləri həyata keçirməlidir:
"Vətəndaş
ödənişləri fərdi qaydada bank vasitəsi ilə də edə bilər. Ödənişlər tam
edildikdən sonra alıcının elektron kabinetində müvafiq ərizə forması
doldurulur və təsdiqedici sənədlər əlavə olunaraq portal vasitəsilə
ƏDV-nin geri qaytarılması ilə bağlı müraciət edilir”.
Telman
Məmmədovun sözlərinə görə, yaşayış və qeyri-yaşayış sahələrinin çıxarışı
olduğu halda alıcı ilə müqavilə notarial qaydada aparılır:
"Alqı-satqı
müqaviləsi təsdiqləndikdən sonra alıcı müvafiq elektron qaimə-fakturanı
notariusa təqdim etməli və notariusdan ödənişin əsas məbləğini
satıcının bank hesabına, geri qaytarılacaq məbləği isə əlavə dəyər
vergisinin depozit hesabına köçürülməsini tələb etməlidir”.
Şöbə
rəisi əlavə edib ki, alıcı eyni binadan bir neçə yaşayış və ya
qeyri-yaşayış sahəsi aldıqda, ƏDV-nin bir hissəsinin qaytarılması
mexanizmi alınmış sahələrin hər biri üzrə 500 kvadratmetrdən çox olmayan
hissəyə mütənasib ödənilmiş ƏDV-yə tətbiq edilir. Qaytarılacaq ƏDV
məbləği alıcıya 30 iş günü müddətində müvəkkil bank vasitəsilə
qaytarılır.
Son xəbərlər
Ən çox oxunanlar
- Bu gün
- Bu həftə
- Bu ay