Masallı şəhər sakinləri Araz Əhmədovdan narazıdır: Yeni başçı kimlərlə işləmək istəyir?

Masallı rayon sakinləri icra hakimiyyətinin yeni başçısı Araz Əhmədovun sələflərinin yolu ilə getməsindən narazıdır. TEREF.AZ-ın məlumatına görə, Masallı şəhərinin bir qrup sakini tərəfindən AzToday.az-a göndərilən şikayətlərdə bildirilir ki, yeni başçı özündən əvvəlki başçılarının korrupsiyaya bulaşmış kadrlarını vəzifələrində saxlayır, bəzilərini isə daha yüksək vəzifələrə təyin etmək niyyətindədir.

Belə ki, sakinlər yeni başçıdan Şahin Məmmədov və Rafil Hüseynovun vaxtında şəhər təsərrüfatına rəhbərlik edən şəxsləri cəzalandıracağını gözlədiyi halda, onlar hələ də iş başındadırlar.

Bu şəxslərdən biri də Masallı Rayon İcra Hakimiyyəti Başçısının Masallı Şəhər üzrə Nümayəndəliyinə rəhbərlik edən Əbülfəz Nuriyevdir. Şikayətlərdə iddia olunur ki, Əbülfəz Nuriyev Şahin Məmmədovun vaxtında Yaşıllaşdırma İdarəsini faktiki olaraq idarə edib. Və işçilərin əmək haqlarının bir hissəsini müxtəlif bəhanələrlə onlardan alıb.

Əbülfəz Nuriyev

Özünü Masallı şəhərinin meri sayan Əbülfəz Nuriyevin biznesi ilə bağlı da müxtəlif iddialar var. İcra nümayəndəsinin Viləş çayının mühafizə zonasında daş, çınqıl, qum və s. tikinti materiallarının satışıyla məşğul olması baradə çeşidli informasiyalar yayılıb. Həmçinin şəhər ərazisində tikinti normalarına uyğun olmayan obyektlərin tikintisində də Əbülfəz Nuriyevin iştirak etdiyi bildirilir. Məlumatlarda iddia olunur ki, icra nümayəndəsi şəhərdə özünə məxsus sənətsiz qeyri-yaşayış obyektləri də tikib.
Şikayətlərdə deyilir ki, Əbülfəz Nuriyev dövlət tərəfindən əhalinin yoxsul təbəqəsi üçün ayrılmış yardımların ünvanına çatmamasında rolu olub. Və şəhərdə qanunsuz küçə ticarətinə şərait yaradıb. Bütün bunlar isə şəhər sakinlərinin haqlı narazılığına səbəb olub.

Əbülfəz Nuriyevin Masallı şəhər təsərrüfatının satınalmalarında maxinasiyalar etdiyi də yayılan məlumatlar sırasındadır.

Şəhər sakinləri Araz Əhmədovdan xahiş edir ki, Əbülfəz Nuriyevin fəaliyyəti araşdırılsın və yoxlamaların nəticəsində onun barəsində tədbirlər görsün…

Redaksiyamıza daxil olan məlumatları araşdırmaqda davam edirik, qarşı tərəfin də mövqeyini işıqlandırmağa hazırıq.

Tarix: 4-08-2022, 12:43

Bölməyə aid digər xəbərlər

29-07-2022, 14:24 Dələduzluğa görə təqsirləndirilən Seymur Məmmədov yeni vəzifəyə təyinat alıb - Sumqayıtda

25-07-2022, 16:13 İlham Əliyev icra başçısının vəzifəsindən azad etdi - YENİ TƏYİNAT

21-07-2022, 13:22 Abdin Fərzəliyevin bir ev qiymətinə olan saatı – FOTO

15-07-2022, 13:10 Bu icra başçılarının kürsüləri BOŞ QALA BİLƏR... - İDDİA

7-07-2022, 12:25 Masallının yeni "kabadayıları" və ya cəzasızlıq... - Spartak, Azər Nadirovlar nə üçün həbs olunmurlar...

9-06-2022, 12:30 Başçı Bərdə ilə bağlı yalan hesabatlar verir? - İLGİNC İDDİALAR...

7-05-2022, 08:10 Millət vəkilinin oğlu ABŞ-da şirkət açdı – FOTO

1-05-2022, 16:07 Narkotik çəkib sərnişin daşıyan sürücü qandallandı

1-06-2021, 11:58 Tərtərlilər niyə icra başçısından narazıdır?

26-04-2021, 13:50 Masallı sakini icra hakimiyyəti binasının qarşısında intihara cəhd edib