Demokratik.az saytının baş redaktoru Osman Nərimanoğlunun sifariş əsasında qanunsuz həbs olunmasına Mətbuat şurasının susqun qalması təəssüf doğrur. Hər kəsə məlumdur ki, tanınmış jurnalist Osman Nərmanoğlu mütəmadi olaraq Göygöl rayon mərkəzi xəstəxanasının Baş həkimi Vasif Əliyevin qanunsuz hərəkətləri ilə əlaqədar tənqidi yazılar dərc edirdi. Məhz bunun nəticəsi olaraq V.Əliyev O. Nərmanoğlundan qisas almaq məqsədilə sözün əsl mənasında ona torpa tikdi. Hesab edirik ki, bu kimi məmurların öz çirkin və rüşvətxor əməllərini ört-bastır etmək məqsədilə sifarişlə jurnalisti həbs etdirmək ölkəmizdə söz və mətbuat azadlığının kobud şəkildə pozulmasından başqa bir şey deyil. Eyni zamanda, ölkə başçısı cənab İlham Əliyevin beynəlxalq təşkilatların ali tiribunalarından ölkəmizdə mətbuat azadlığı təmın olunub heç kəs yazdığı yazıya və siyasi baxışına görə təqib oluna və ya həbs edilə bilməz fikirlərini də alt-üst edir. Ümid edirik ki mətbuat şurasının sədri cənab Əflatun Amaşov Osman Nərimanoğlunun şifarişli həbsınə biganə qalmayacaq.