İqtisadiyyat / Cəmiyyət / Manşet
20.05.2021, 15:44
Bakı metrosu iyunun 1-nə hazırdır - RƏSMİ
“Bakı Metropoliten” sərnişindaşımaya hazır vəziyyətdədir. Əgər Nazirlər Kabineti yanında Operativ Qərargah iyunun 1-dən Bakı metrosunda sərnişindaşımanın bərpa edilməsinə qərar versə, sərnişindaşımada problem olmayacaq”.
Bunu "Kanal1.az" açıqlamasında “Bakı Metropoliteni” QSC-nin mətbuat xidmətinin rəisi Bəxtiyar Məmmədov bildirib.
Onun sözlərinə görə, hazırda metropoliten sərnişin daşınıb-daşınmamasından asılı olmayaraq infrastrukturun normla səviyyədə saxlanması üçün gündəlik texniki işlər görülür.
“Sərnişindaşınma ilə bağlı məsələyə gəldikdə bu bizdən asılı olan məsələ deyil. Epidemioloji vəziyyətdən asılı olaraq Operativ Qərəgah metroda sərnişindaşıma ilə bağlı müvafiq qərar verəcək”, - o qeyd edib.
B. Məmmədov onu da əlavə edib ki, metropolitenin hazırkı vəziyyətdə sərnişindaşıma ilə bağlı məsləsi “Elmlər Akademiyası” stansiyasındakı xətlərdə gedən təmir işləridir.
“Elmlər Akademiyası” stansiyasının hər iki tunelində ağac “şpalların dəmit-beton şpallarla əvəzlənməsi gedir. Bu təmir işlərinin də iyunun 1-dək yekunlaşması nəzərdə tutulur. Odur ki, “Bakı Metropoliten” iyunun 1-də sərnişindaşımaya tam hazır olacaq”, - o bildirib.
Son xəbərlər
Ən çox oxunanlar
- Bu gün
- Bu həftə
- Bu ay