İran Prezidenti Həsən Ruhani ölkədə koronavirusun ikinci dalğası ilə mübarizə aparıldığını etiraf edib və bu dalğanı keçəcəklərini deyib.

Virtualaz.org yerli KİV-ə istinadən xatırladır ki, daha əvvəl İran hakimiyyəti koronavirusun yayılmasının yüksək həddə olmasına baxmayaraq, hələ ilk dalğanın yaşandığını bəyan etmişdi.

H.Ruhaninin sözlərinə görə, birinci dalğa şimal və mərkəzi hissələrə təsir göstərib, mayın ortalarında başlayan ikinci dalğa isə ölkənin cənub bölgələrində daha çox yayılıb.

“Koronavirusun ikinci dalğasından keçə biləcəyik", - deyə Ruhani hökumətin iclasında vurğulayıb.

Xatırladaq ki, İranda 262 mindən çox insan koronavirusa yoluxub, 13,2 min xəstə həyatını itirib.